የኢትዮጵያ ፕሪምየር ሊግ የ25ኛ ሳምንት ጨዋታዎች ዛሬ እና በቀጣዮቹ ቀናት ይደረጋሉ፡፡

<strong>የሳምንቱ መርሀግብር ጨዋታዎች ዛሬ ቀን 9፡00 ሰዓት ደደቢት እና ባህር ዳር ከነማ ትግራይ ላይ በዝግ ስታዲየም በሚያደርጉት ጨዋታ ይጀመራል፡፡</strong>rnrn<strong>በነገው ዕለት ሁለት ጨዋታዎች ሲደረጉ፤ ወላይታ ድቻ ወደ ትግራይ አቅንቶ ወልዋሎ ዓዲግራት ዩኒቨርሲቲን 9፡00 ላይ ይጎበኛል፡፡</strong>rnrn<strong>በአዲስ አበባ ስታዲየም 10፡00 ላይ ደግሞ መከላከያ እና ቅዱስ ጊዮርጊስ ይገናኛሉ፡፡ ጊዮርጊስ አሰልጣኝ ስቱዋርት ሃልን ካሰናበተ በኋላ በምክትሉ ዘሪሁን ሸንገታ እየተመራ የመጀመሪያ ግጥሚያውን ይጎበኛል፡፡</strong>rnrn<strong>ዕሁድ ደግሞ አራት ግጥሚያዎች በክልል ስታዲየሞች በተመሳሳይ 9፡00 ላይ ሲከናወኑ፤ በ48 ነጥቦች የሊጉ አናት ላይ የተቀመጠው መቐለ 70 እንደርታ በትግራይ ስታዲየም ሀዋሳ ከተማን ያስተናግዳል፡፡ </strong>rnrn<strong>መቐለን በሁለት ነጥብ አንሶ የሚከተለው የጎንደሩ ፋሲል ከነማ ደግሞ በአፄ ፋሲለደስ ስታዲየም ከጅማ አባ ጅፋር ጋር ይጫወታል፡፡ </strong>rnrn<strong>አዳማ ከተማ ወደ ምስራቅ ኢትዮጵያ አምርቶ ከድሬዳዋ ከነማ ጋር ይፋለማል፡፡ </strong>rnrn<strong>ወራጅ ቀጠና ውስጥ የሚገኙት ደቡብ ፖሊስ እና ስሑል ሽረ ሀዋሳ ላይ ይጫወታሉ፡፡ </strong>rnrn<strong>የሳምንቱ መርሀግብር የመዝጊያ ግጥሚያ በኢትዮጵያ ቡና እና ሲዳማ ቡና መካከል በአዲስ አበባ ስታዲየም 10፡00 ላይ ይከናወናል፡፡ </strong>